სიახლეები
დღეს ერთიანი ეროვნული გამოცდები დაიწყო
ძვირფასო აბიტურიენტებო, გილოცავთ ცხოვრების ამ უმნიშვნელოვანეს და საპასუხისმგებლო ეტაპზე გადასვლას. ეროვნული გამოცდები თქვენი მრავალწლიანი შრომის, მონდომებისა და ნიჭის წარმოჩენის საუკეთესო შესაძლებლობაა.
მჯერა, რომ შეძლებთ საკუთარი შესაძლებლობების მაქსიმალურად გამოვლენას და დასახული მიზნების მიღწევას.
სასურველ უმაღლეს სასწავლებელში ჩარიცხვით თქვენ საფუძველს ჩაუყრით საკუთარ წარმატებულ მომავალს და დიდ წვლილს შეიტანთ ჩვენი ქვეყნის განვითარებაში.
კიდევ ერთხელ გილოცავთ გამოცდების დაწყებას, გისურვებთ სიმშვიდეს, მეტ თავდაჯერებულობასა და დასახული მწვერვალების დაპყრობას!
პატივისცემით,
ცაგერის მუნიციპალიტეტის
საკრებულოს თავმჯდომარე
ვასილ საღინაძე.
