ცხეთის წმ. გიორგი სახელობის ეკლესია
ცხეთის წმ. გიორგი სახელობის ეკლესია წარმოადგენს ჯვარულ-გუმბათოვან 8 წახნაგოვან ნაგებობას. სპეციალისტებს მიაჩნიათ, რომ ნაგებობა ერთ-ერთი საუკეთესო ნიმუშია XVIII საუკუნის მანძილზე საქართველოში მიმდინარე საკულტო მშენებლობისა. იგი ავსებს ამ პერიოდის ძეგლების მცირე სიას.
ცხეთის ეკლესია აუგია ოტია დადიანის მეუღლეს, რაჭის ერისთავის შოშიტას ასულს გულქანს (1728-1761) წლებში.
ოტია დადიანისა და გულქანის მიერ ლეჩხუმში ფართოდ გაშლილ სამშენებლო მოღვაწეობაზე მეტყველებს , აგრეთვე, მათ მიერ საირმის ძველი მონასტრის განახლება.
ცხეთის დღევანდელი ეკლესიის ადგილზე, ადრიდანვე ყოფილა სამლოცველო, ამას ადასტურებს XV- XVI ს.ს. წმ.გიორგის ხატი, რომელიც აქ უნახავს ექვთიმე თაყაიშვილს (1910წ.), მას ჰქონია ხუცური წარწერა "მთავარმოწამე ცხეთისა" და სხვა სიწმინდეები.
XVIII ს. ნახელავს ჰქონია წარწერა : "წმ. გიორგი ცხეთისა, შეიწყალე ხევი ცხეთისა , შენსა წინაშე შემავალი".
ცხეთის წმ.გიორგის ეკლესია დასაბამიდან დღემდე წარმოადგენდა სოფლების: ცხეთის, დეხვირის, ლესინდის, წილამიერის,ლეშკედის და ლასხანის , ე.ი. სადეხვიროს სასულიერო ცენტრს.
სიახლეები
