სიახლეები
ცაგერის მუნიციპალიტეტის საკრებულოს ბიუროსა და საკრებულოს მორიგი სხდომა
ცაგერის მუნიციპალიტეტის საკრებულოში 3 მაისს საკრებულოს ბიუროსა და საკრებულოს მორიგი სხდომა გაიმართა. სხდომა გახსნა და დღის წესრიგი გააცნო დეპუტატებს ცაგერის მუნიციპალიტეტის საკრებულოს თავმჯდომარის პირველმა მოადგილემ (საკრებულოს თავმჯდომარის მოვალეობის შემსრულებელმა) რეზო ხეცურიანმა.
მიღებულ იქნა განკარგულებები:
-
ცაგერის მუნიციპალიტეტის 2023 წლის 3 თვის ბიუჯეტის შესრულების შესახებ.
-
ცაგერის მუნიციპალიტეტის სოფლებში სახელწოდების არმქონე გეოგრაფიული ობიექტების (ქუჩა, ჩიხი, შესახვევი) არაბული ციფრებით სახელდების შესახებ.
-
ცაგერის მუნიციპალიტეტის 2023 წლის ბიუჯეტიდან ქ. ცაგერის საჯარო სკოლის მოსწავლეთა თვითმმართველობის პროექტის თანადაფინანსებისათვის თანხის გამოყოფაზე ცაგერის მუნიციპალიტეტის მერისთვის თანხმობის მიცემის შესახებ.
-
ცაგერის მუნიციპალიტეტის საკუთრებაში არსებული უძრავი ქონების, ქალაქ ცაგერში რუსთაველის ქუჩა
69 მდებარე არასასოფლო-სამეურნეო დანიშნულების მიწის ნაკვეთიდან (ს/კ 89.03.22.002) 5 კვ. მ. ფართობის კომერციული საქმიანობისათვის პირდაპირი განკარგვის წესით სარგებლობის უფლებით-იჯარით გადაცემის შესახებ ცაგერის მუნიციპალიტეტის მერისთვის თანხმობის მიცემის თაობაზე. -
,,ცაგერის მუნიციპალიტეტის საკუთრებაში არსებული ქონების 2022 წლის საპრივატიზაციო ობიექტების ნუსხის დამტკიცების შესახებ“ ცაგერის მუნიციპალიტეტის საკრებულოს 2022 წლის 04 მაისის # 24 განკარგულებაში ცვლილების შეტანის თაობაზე.
