სიახლეები
ლეჩხუმში რძის გადამამუშავებელი საწარმო ფუნქციონირებს და ნატურალურ პროდუქციას აწარმოებს
ცაგერის მუნიციპალიტეტის სოფელ გვესოში ახალგაზრდებმა კოოპერატივი “გვესო-2016“ ჩამოაყალიბეს და თხების მოშენება გადაწყვიტეს. თავდაპირველად არასამთავრობო ორგანიზაცია “ემპარდმა“ მათი პროექტი 12 000 ლარის გრანტით დააფინანსა, რომლითაც 60 სული თხა შეიძინეს. აქცენტი თხის რძისა და ყველის უნიკალურობაზე და ეკოლოგიურად სუფთა, ბიო პროდუქტის შექმნაზე გააკეთეს. შემდეგ საკუთარი სახსრებით 85 სული თხა მიამატეს, კოოპერატივების გაფართოების სააგენტომ საჩუქრად 300 ლიტრი ტევადობის რძის გადამამუშავებელი ხაზი და საჭირო ტექნიკა საჩუქრად გადასცა. ამ ეტაპზე 300 სული ჰყავთ, თხებს კოოპერატვივში დასაქმებული ოთხი მწყემსი პატრონობს, ცხოველის შეძენას კიდევ ფიქრობენ და მწყემსთა რაოდენობასაც შესაბამისად გაზრდიან.
ზაფხულში თხებს ალპურ ზონაში მიერეკებიან, უკან შემოდგომის დასაწყისში აბრუნებენ, ყველის დამზადებას ორი ქალი უძღვება. ყველი კი იმდენნაირია, მთავარია დათვალიერება არ მოგწყინდეს, არც დაგემოვნება..
ვვითარდებით ყოველდღე, ვსწავლობთ თანამედროვეობის უახლეს ტექნოლოგიებს, გავდივართ გამოფენებზე. შარშან თბილისში „სოფლის ნობათის“ გამოფენაზე და წელს ამბროლაურში აგროფესტივალზე ორჯერ მივიღეთ მონაწილეობა, ძალიან დაინტერესდნენ მომხმარებლები ჩვენი პროდუქციით და მოწონებაც დავიმსახურეთ.
წინ დიდი გეგმები გვაქვს, ევროკავშირის ბაზარზე გვინდა გავიდეთ, ასოცირების ხელშეკრულება ამის შესაძლებლობას გვაძლევს. შეფუთვაზე გრანტი მოვიგეთ და ეს პრობლემა გადაჭრილი გვაქვს, თხების რაოდენობაც უნდა გავზარდოთ, დასაქმებულებისაც, მოკლედ, წინ გრანდიოზული ამბები გველის. ყველის დამზადება ისეთივე აზარტულია, როგორც მაგალითად მხატვრისთვის ტილოს შექმნა“, – ამბობს ნატო ბენდელიანი.
